आरती श्री विठ्ठरायाची...

 

आरती श्री विठ्ठरायाची 

जयदेव जयदेव जय विठू राया । भंडार भूषाण, कंबळी निशाण छतरी छाया ।। जय. जय. ।। धृ. ।।

द्वारकाधीशः श्रीकृष्ण मुरारी । विठ्ठल बिरापावर डुलती चवरी।

कोडोली नगरात महिमान भारी । अश्विन महिन्यात यात्रा तैयारी । जय. ।। १ ।।

बहुकष्ट भोगिले देवेंश्रीहरी । लेकी भागासाठी गेले दूरवरी।

नवखंड पृथ्वी धुंडोनी सारी। भक्तासाठी गेले खेलूच्या घरी । जय. ।। २ ।।

 भावाचा भुकेला विनवितो भारी। खेलूबासी म्हणे घ्यावा पदरी।

अकरा महिने संसार करावा घरी । बाराव्या महिन्यात यात्रा तैयारी । जय. ।। ३ ।।

 गुरूच्या वचनी खेलू हा भक्त। सीमोल्लंघन खेळोनी मार्ग क्रमित ।

येवोनी ठेपला कोडाली पर्यंत । विठ्ठल बिरापाची वाट पहात । जय. ।।४।।

 खेलू भक्त म्हणे आपुल्या मनी । दुरोनी आलो रस्ता चालोनी ।

भेटी नाही दिली मजशी देवांनी । म्हणोनी बैसला दूर रूसनी । जय. ।।५।।

 कन्नड भागाच्या दूध घागरी । बाशिंग आले ढोलगजरी ।

जन जत्रा आली सर्वंमानकरी । खडकाच्या माळाला रहिवास भारी । जय. ।। ६ ।।

 सोमा पाचारोनी ग्रामपुढारी । घेवोनी आला भाणसघरी।

चाले समारंभ ढोलगजरी । येवोनी ठेपला देवमंदिरी । जय. ॥७॥

 विठू बिरू म्हणे सर्व लोकांसी । समजावूनी आणा खेलू भक्तासी ।

जावा तुम्ही आता ढोलगजरेसी । येऊनी भेटेल तुम्हा सर्वांशी ।।८।। 

 खेलूस आणण्या ढोलांची दाटी । भक्त उधळती भंडारमुठी ।

समारंभ जाता खेलूच्या दृष्टी । संतोषे येवूनी सर्वांना भेटी । जय. ।। ९।।

 पाच रोज कर्पूर पाजळील्या वाती । भागाई बंधूसी ओवाळी आरती ।

करा संसार येथूनी पुढती । नमो नारायण विठ्ठल बिरपती । जय. ।। १०।।